架勢堂!?

經過了一星期的準備(係擾攘至真)，今日終於去了美國領事館做簽証..... 之前已聞說做美國簽証有幾o甘麻煩，今次就親身領教了!

去做visa前先要在internet上填表，然後將之印出，跟住又要去銀行(大新銀行!? 邊度有?!)交錢，大拿拿八"舊水"就o甘蒸發o左! 然後又要去影相，張相個size係奇奇怪怪o既(交o左一張俾佢，剩底o個五張都o吾知用係邊度好!)，然後要?HR出公司信.... o的"林審"o野搞掂後便要在網上預約時間...... 真係好鬼煩!!

今日約了九點半，我九點三便到了領事館...... 果真聞名不如見面，收表counter 的華藉阿姐們總是晦晦氣氣的，晨早"溜溜"便要捱她們的悶棍，真係所為何事呢?! 就是為了去一個我想也沒想過要去的國家?! 算罷! 為了工作，忍住不發作好了...... 交過表，取了籌後便要進入領使館進行interview了..... 館內開放了四個counters，一號係打指模o既，二號由一個好長氣o既鬼佬主理(就我所見，申請failure rate 達75%!), 六號counter係華藉阿姐負責把關，佢真係o吾係人o甘品，查家宅o甘問(好似盤問o甘), 最後係七號窗，係一個皮笑肉不笑的鬼婆(我想她是專門負責商務簽証)，語調客氣但感覺到她的傲慢(內外不一，有點不自然.....) 她問了我幾句便放我走了，說簽証沒有問題，到郵政counter辦理手續，過幾天便可收回passport......

好了，美國visa已辦妥...... 但另一個麻煩是有機去未有機返! 點算?! o吾通真係要一條友o係大美國過聖誕?! o矣~~~ o吾係掛?!