大板牙已死!!

本來打算食完消炎藥，今個星期六覆診時才決定做o吾做杜牙根...... 之不過喱個牙痛問題似乎不可能拖到星期六，因為正如Dr. Lo所講吃過消炎藥之後，問題會localize，便會知道問題是否出在大板牙上..... 星期日食o左兩次藥後，所有的痛都集中在大板牙上，痛到只能食粥。星期一，情況好不了多少，早餐一件腿蛋治食o左半個鐘，lunch就湯撈飯(o的?係完全食o吾到o既! 雞翼，牛肉，豬扒，菜芯，根本冇可能食到!!)，夜晚飲包奶就算......

在忍無可忍之下，今日終於要去了做杜牙根...... 今日完成了療程的第一步(整個療程分三個steps)，現在感覺好多了，已經不痛了，亦即是說大板牙已死了~~~

牙蟲村o吾係喱度?!

今日終於去o左睇牙醫。 一坐底，就向Dr. Lo如實報導我左邊牙痛，跟住Dr. Lo幫我作初步檢查，佢用個拑敲我o的牙，一o野敲落隻門牙度，當時唔係痛，係好~~~痛!!! 初步檢查後，便將目標鎖在門牙和智慧齒上，之後影了兩張x-ray去看清楚那兩隻牙究竟有乜問題。x-ray出來，Dr. Lo便說你那個位冇智慧齒，"o下? o吾係出牙，因乜果個位會痛?!"，"因為有o的發炎"。跟住再睇大板牙，冇明顯o既黑影，Dr. Lo就話之前隻牙已蛀得好深，補牙只是治標o吾治本的方法，今次應該要杜牙根喇! Dr. Lo 跟住就問我今日有冇心理準備杜牙根，我答道: "係絕對冇o架，hum... 有冇其他選擇?!"，佢跟住就笑住o甘話: "Hum... 可以開o的消炎藥俾你，不過逃避係o吾得o既，如果食完藥，情況冇改善，就要杜牙根喇。"

就係o甘，我就?o左一包消炎藥同一包止痛餅o番屋企...... 比起今朝，依家o吾係好痛，係勁~~~痛!!! 我終於感受到牙痛慘過大病o既真義!!!

請問牙蟲村o係邊度呀?

我極度懷疑我棚牙有好幾條牙蟲村..... 這幾個星期o的牙都隱隱作痛，食凍 o野痛，食熱o野都痛，好難頂!! 在忍無可忍之下，終於預約o左今個星期日睇牙醫..... 究竟，我有幾多隻蛀牙呢？o吾...... 根據牙痛o既情況(依家都痛梗~~~)，應該有好多隻......

1.2億...

究竟1.2億除了可以用來學跳拉丁舞，還可以怎樣花呢？！

一、對打工皇帝來說，可以用來交稅，分分鐘仲有錢剩...

二、對一般打工仔來說，可以退体做自己喜歡的事，不必再為幾斗米折腰了...

三、對柔道痴來說，可以即刻quit o左份工，搬去日本住，剩係打柔道... 可以買6萬件M字道袍，每日換一件都可以著160年...

四、對愛心爆棚的人來說，可以助養n個孤兒，給與不幸的人機會和幸福!

五、對Orbis來說，足夠培訓6000名醫生及12000名眼科護理人員，為120萬人進行驗眼檢查以及替60多萬名眼疾病人進行診治，使他們有重見光明的機會!

1.2億實在有很多用途，用得是否有意義，真是見仁見智...... 看見用1.2億學跳舞的新聞，我啞然失笑，良久說不出話來...

註: Orbis在04年3月至05年二月尾所籌得的善款為港幣95,580,290元。http://www.orbis.org.hk/bins/index.asp

新工紀事(II) - 增磅危機

增磅的原因有二:

一、早餐太豐富！真係唔明間餐廳點解乜都雙份，雙蛋(日日係咁，膽固醇一定超標)、雙腸、雙火腿等... 另外每個餐都會有多士、薯餅、奶茶或咖啡... 雖然早餐份量過多，容易超標，但因為這間餐廳坐得比較舒服，可以慢慢地歎報紙，所以會繼續"幫趁"，現在只好叫阿姐給我單份好了~~~

二、每日o既四點零鐘，老細就會逐個問"你彈唔彈"，意思係食唔食蛋撻？無論你話"彈"定唔"彈"，老細都會叫秘書姐姐order一打蛋撻，點都要迫我o地陪佢一齊"犯罪"至安樂! 星期一至五，每日一蛋撻，真係想瘦都好難，唔肥都偷笑剌~~~

下次gathering，友儕們如見我胖了，原因為何? 大家應該心中有數了!

新工紀事(I) - Back to school?!

依家份工逢星期二、四都要開會(起碼三粒鐘)，會議除了向老細佈告工作進度外亦不乏學術討論，老細會講heat transfer、solid mechanics、materials、elec 等，好似上lecture咁... 對我來說這是繼Business smart dress code 之後的另一場災難~~~ 因為基本上UG時所讀的，我己經唔記得...唔...應該係從來冇記得過，依家要喚醒從來未有過的記憶，點算?! 唉! 真係救命~~~

出海記

昨日和友人出海釣墨魚，天公造美沒有下雨，而我們收獲甚豐，渡過了一個愉快的晚上!

昨晚七時，一行五人已到達西貢碼頭竽候上船。不知道是否已到了釣墨魚的旺季，碼頭上滿是興致勃勃的人群，好不熱鬧! 我們七時十分左右上船，船駛了十多分种便到了第一個釣點(火雞大學對開海面)，釣墨魚行動立即展開! 我們所用的釣具很簡單，魚排和八爪鉤，不須用餌，用燈光誘之即可。在第一個釣點，有很多雞泡魚出沒，牠們和墨魚一樣奇怪，不須用餌也會上釣，而且牠們亦喜歡追住八爪鉤去啄，因此我們每人第一次釣到的都不是墨魚而是雞泡魚! 這釣點除了多雞泡魚之外，船也多的是呢! 因為我們乘的是小船，所以一有船經過，船便搖搖晃晃，搖呀搖...搖呀搖... 搖得我頭暈暈(我也是昨天才知道我會暈船浪呢!)，撐不了多久便吐了，差點兒連胃也吐了出來! 吐了三次，啪了一粒暈浪丸，擦過白花油後，身體便開始適應了，可以繼續專心釣墨魚了! 我們在這裹釣了一個多小時，收獲只有一條墨魚和半打雞泡魚，船家陳生有見及此便建議換一個釣點。


第二個釣點比較近西貢碼頭，雞泡魚和船也少一點。在這裹下鉤不久，我便釣到了一條大墨魚(差不多一尺長)。當時的情況很有趣，基本上我當時剛擦了白花油，船浪還沒有暈完，友人還取笑我說 "你鉤沾了白花油，應該很易釣到墨魚吧! 哈! 哈! 哈!" 就在我們笑說其間，我突然感覺到有東西在拉我鉤，很重呢! 於是我便手忙亂地收魚絲，將牠拉上來。一將牠拉上來，大家也異口同聲地喊道: "嘩! 好大隻呀!" 而船家陳生亦說之前也未釣過這?大的墨魚，應該有半斤重。之後我們各人再釣到墨魚，我們總共釣了六只墨魚，船家陳太幫我們泡制了一味蒜蓉花椒炒墨魚，非常美味呢! 大快?頤後，我們再釣了一陣子。在十時十五分左右，我們便回程去了。

離開西貢，我們到了銅鑼灣的越華會宵夜(那兒的小炒很不錯呢!)，吃喝談笑至凌晨二時便各自回家去了。這一天，可說是盡興而歸呢!