o矣! 失望......

陪住我o地成長、退而不休o既宮崎叔叔(今回是父子兵上陣)有新作上映，當然要捧場...... 可能期望過高的關係，看罷地海傳說，有點點失望...... 新作的主旨不鮮明，劇情不緊湊，配樂不動聽......看了沒甚感覺...... 只有失望!! o矣~~~

未能收斂......食得是福!

星期六，約了同樣為食的uncle Hugo到見城日本料理食lunch。見城用的才料很新鮮，師傅手藝一流，說得上色、香、味俱全! 在set lunch 之中，自選壽司(八件壽司加一條卷物)和三色飯(三文魚子、海膽、魷魚，魷魚可改為三文魚)，同為心水之選!! 在魚與熊掌之下，最後我揀了自選壽司而uncle Hugo 則揀了三色飯，兩種都非常捧!! 友儕們一定要試試!!!

P.S.
1. 美食當前，收斂不能!
2. set lunch 有湯和雪糕送! o厘到o既綠茶雪糕好好味! hahaha!
3. 星期一至日，他們的set lunch 做特價(HKD110 - 160)。晚市人均消費為HKD750，覺得滿足o個隻(此項資料由既為食又富貴o既uncle Hugo 提供)。
4. 見城地址: No 30 Ground Floor, Minden Avenue, Tsim Sha Tsui, Kowloon. Tel: 23698307 / 23014470

為食辦公室 - 格仔餅狂熱

Wow~~~ 過去一星期，一如以往每日都Tea，五日中有三日都係食格仔餅，手足們為格仔餅狂熱一番，因為真係好好食!!! 為食o既我用格仔餅"夾"住支雲呢拿朱古力脆皮雪條o黎食!! 真係好好好好味~~~ 友儕們不妨一試!!!

P.S. 今個星期食得很放任，下星期會收斂一下..... 食原味格仔餅算喇!

爆笑辦公室(2)

<心理作用!?>
話說有一樽Argon gas 流落在我們Lab內，於是同事大王本住用得o吾好o徒o既精神，將支Ar gas當compress air 用，用來吹乾o的sample。過左冇耐，大王終於駁好支Ar gas並進行噴氣測試......

大王: Hum... 試完支Ar gas，好似有點心翳.....

謙記: really?! 等我試o下......

~ "馳"~ "馳"~~"馳"~~~

謙記: Hum.... 冇o野呀......

大王: o吾係o咼，你睇o下個樽上面張precaution...... o拿, 呢到話吸入此氣後可能出現不適，有作悶感覺......

謙記: 你o甘講，又真係好似有o的心翳o既感覺o咼!? 定係心理作用o尼?! 要?其他人試o下先知 o咼!

就在此時我o地見全記在lab外經過，我與大王相望而笑.....

謙記: 樽Ar gas駁好了，你o黎試o下~~~

全記: okay.

~ "馳"~ "馳"~~"馳"~~~ (對住抽氣扇噴?! 我同大王你眼望我眼，暗叫不妙，"奸計"被識破了~~)

全記: 試完o刺, ok o丫! 你兩條友仔仲試o吾試呀?! hahaha!!


<未開制!?>
某日要用heater plate 做test ...... 一切準備好，開制..... 過了幾分鐘, 個heater 都仲o吾熱......

謙記: MC人，個heater係o米壞o左?!

MC人: o夷! 你仲o米開制o咼! 拖板個制未開!

謙記: really!?

一切準備好，開制...... 又過了幾分鐘，個heater仲係o吾熱....

謙記: MC人，個heater真係好似壞o左o咼?!

MC人: o夷! 你開錯o左隔籬個制o咼!!

謙記: Haa?! o甘低能?! MC人，請你幫我保守o厘個祕密! o吾該哂!

一個本應用半個鐘可完成的實驗，我居然用了成粒鐘先做完，真係低天下之大能~~~


<好一個vendor!>
某日開project upadte......

神哥: 阿謙，去完vendor A 到有乜o野update?

謙記: Hum..... 我講o左我o地將會有好多loading俾佢o地，跟住我就知佢o地有幾重視我o地o剌......

神哥: 有幾重視，願聞其詳!

謙記: 由佢個e-mail 我就知o剌，由"Hi Kim" 變o左做"Dear Kim"o咼!

KO: o甘"Regards"有冇變o左"Best Reagrds"呀?! Hahaha!

謙記: 喂! o米講笑, 真係有!

跟住全場爆笑~~~


<壞人，你的名字是......>
話說每人將會有兩件lab 袍，件袍會繡上公司logo及自己的名字...... 各手足為繡乜o野名作出了熱烈討論......

全記: Carrie, 我繡"C4"呀，唔該!

謙記: hum....... 我就繡"KL"喇....

平少: 我想繡"HP", 但係會o吾會侵犯版權呢?!

KO: 我繡KO.....

謙記: 你o吾繡"Mr All"* ....... (全場大笑! wahahaha!!!)

Carrie: Dr. Lee, 你想繡o羊名?

全記: 你o甘問佢會話繡"SL"....

謙記: 不如繡"李醫生"啦.... hahaha!

Dr. Lee: 都好o咼! 等我幫大家"照o下肺"......

大家聽到老細o甘講，dead air o左1/4 秒...... 然後將話題轉向HR大佬米高......

Carrie: o甘米高繡乜名好?!

謙記: 佢... wahaha, 繡"壞人"*o羅! (全場大笑! hahaha!)

全記: 佢.... 繡(瘦)"壞人"?! 佢係"肥壞人"至真o咼!! (全場爆笑! wakakaka!!)

可能我o地笑得太大聲，驚動了米高, 壞人登場~~~

米高: 你o地係o米笑我!?

Carrie: 我o地講緊每人件lab 袍繡乜名.....

米高: o甘我繡乜名呢?!

謙記: Hum......(眾人忍住笑.....)

大王: 幫你繡"Ryan" 呀!!!! (全場大爆笑!!! wakakakakaka!!!)

Carrie: Hum.... 除?"Ryan" 外，你仲可以繡"Veryan" 呀!! (全場繼續大爆笑!!! wakakakakaka!!!)

Note:
1. 有個vendor出張quotation 俾KO，attention 寫 "Mr. All"，KO見到俾佢吹到o卑一聲.....
2. 米高之所以被視為壞人，因為佢專門捉我o地有冇犯規(犯o左規，就要奉獻HK$150!).....

大冒險

幫襯了十年的髮型師，連續兩星期也沒有開舖做生意，真不知她是中了六合彩發o左達退体去了，還是生意不好真的要結業了..... 一時之間，我真的不知如何是好，一來剪開有感情，再者我從來沒有qualify第二個vendor(我終於明白second source的重要)...... 頭髮越來越長了，再多的gel 也gel 不起，怎麼辦!?

今日終於忍無可忍，唯有跟老媽去她幫襯開的飛髮舖行一次"risk build"..... 結果都okay，可以接受，risk build passed i.e. 2nd source qualified!

我係孤兒仔?!

今日中秋節，人人都會返屋企或外出造節食飯..... 覆完診已是下午四時，我忽然想起今日屋企可能冇節造o咼，皆因老頭子約了大姑媽，二叔上中山去重拾他們的童年；老媽子則仍在大陸，她並沒有預告中秋會回來；而輝少則極有可能會去女友屋企造節..... 在打定輸數之下，我致電老媽希望有奇跡出現，oh~~~ 沒人接聽，我想是廠裹太忙了，她今天應該不會回來了，很是令人沮喪呢~~~ o矣! 不過，不幸中之大幸是還有斗零，狗果然是人類最好的朋友~~~

在乘車回家途中，我一路諗夜晚食乜好，一條友同一隻狗，我食飯盒佢食雞脾 o拉~~~ 當我走近家門時，嗅到一陣燒衣紙的味道(咦?! 有古怪?!)，一看之下發現大門開了，而"聚寶盤"又出動了...... o甘即係老媽回來了!!! 實在是太好o刺!!! Wakakaka~~~

謙記: 我以為你不回來了?! 剩底我同斗零造節添!! 依家真係好鬼感動呀~~~

老媽: 你老豆專登call我，叫我一定要返o黎，佢驚你冇飯食~~~

謙記: wakakaka, 你o地o吾返，我諗住同斗零造節，"醒"隻雞脾佢嘆o下~~~ hahaha!

老媽: haha!

謙記: o甘今晚幾點食飯?! 早D得o吾得?! 我十點約o左友儕們飲o野，hum.... 我九點要出門口了....

老媽: Hum... 輝少已回來了，那七點半吃飯吧!

謙記: 輝少在嗎? 那太好了! 他可以陪你賞月呢! 啊! 還有斗零呢!

眼見老媽子面露不悅，我飛快地閃上房了...... 吃過飯後，我坐了一會，和老媽輝少笑說一會便要走了...... 出門口時，心?有點點內疚呢! 我想我以後要對他們好一點，以勉愛得太遲有遺憾......

路痴

今日，我再一次確認自己真係一名不拆不扣的路痴!!!

半年一度的眼科覆診又到，所以今日要請假去沙田威爾斯覆診(今個星期只返三日工，真係正!!)。乘巴士從元朗到沙田市中心後，到麥記食過星星Sh!!餅，嘆過報紙已是十二時半，是時候起程去醫院了..... 一落到巴士站，正在想應該撘幾號巴士之際突然看見一架81K駛過來，心諗81K 應該o岩o咼(我記得係80幾號K) ，於是想也不想便上了巴士。當巴士一駛到城門河十字路口時，它居然往左轉(火炭方向)，這一轉嚇了我一跳o尼!? 平時是往右轉的(第一城方向)，display 話下一站係火炭村?! 火炭村?! wow! 乜o野地方o黎o架!!! Oh! 莫非我搭錯車~~~ Oh~~~ 係o剌我應該搭80K而o吾係80幾號K..... 在驚覺自己幾o甘低能之後，便拿拿聲落車搭的士去醫院(香港經濟明顯好轉，我等了十分种才有的士)..... 希望半年之後我o吾會再撘錯81K啦~~~