蛋糕物語 - 第二話

在老媽的命令之下，輝少和我今天去了Cake' Secret整蛋糕，這是今年送給母親大人的母親節禮物，唔使傷腦筋，一箭三鵰，有得玩、有得食、又可以逗老媽開心，何樂而不為!! Wakakaka~~~

- 全個蛋糕最難整嘅parts就係圍住蛋糕的手指餅。我唧d餅漿唧到東歪西倒，都是老弟的手勢比較好!

- 手指餅出爐了，幸好賣相還可以呢! Hahaha!

- 要用手指餅圍邊同整餅底

- 再加芝士忌廉同浸過Baileys的手指餅，再雪三十分鐘，再加點裝飾便功德圓滿!

- Baileys 芝士餅，大功告成!!!

Note:

- Bailey + 士多啤梨是不錯的配搭!

蛋糕物語 - 第一話

我見老媽整餅整得咁過癮，於是乎趁今日放假，便鬧着玩的跟老媽學整餅去!! 第一課學整o既蛋糕就係~~~ TIRAMISU!!! 以下是一些(我記得)的重點:

1.模底要掃一層朱古力，然後再放浸過咖啡糖水的手指餅(只浸一面)做餅底

2. 低脂淡忌廉不能用，因為是打不起的

3. 魚膠片要用冰水浸開，再用熱水坐溶(老媽上次便因為skip o左坐溶這步而失敗, wakakaka~~~)

4. 就這個recipe而言，不可用(絕對不可!) 攪拌器打芝士忌廉，用手打可以了!

5. 打蛋白的要訣是要先將蛋白打起，然後才加糖再打。如一早便加糖，蛋白是打不起的

6. 將魚膠液倒進芝士忌廉後，要盡快將之攪勻(Miss當時係叫我喪攪! 結果係飛晒出o黎，要Miss執手尾! =P)

7. 將一半"完全休芝士忌廉"倒進餅底後，再放浸過咖啡糖水的手指餅(今次浸兩面)，然後再將剩下的"完全休芝士忌廉"倒下

8. 將半制成品放入冰廂雪至凝固(最少三十分鐘)

9. 凝固後，再灑上朱古力粉和糖霜，TIRAMISU就此完成!

Note:

1. 這蛋糕口感一流，但味道淡了少許!

2. 老媽有旨，母親節要我和輝少整個蛋糕俾佢，okok! 冇問題! Miss 與我地同在!!

3. 下期預告: 伯利甜酒土多啤梨蛋糕(wow~~~ 熱切期待!!)

4. 我學會整蛋糕了! 阿"某人"，你的進度如何?! wakakaka~~~ =P

5* 差點忘記了幫Miss 賣o下廣告，Miss的舖号叫Cake' Secret (蛋糕密語)，網址: http://www.cake-secret.com